Samhradh gnóthach i Fíbín

Tá  na scoileanna dúnta do shaoire an tsamhraidh agus an tonn teasa faoi lánseol ach tá Fíbín ag fáil faoi réir do dhá chamchuairt dírithe ar bhunscoileanna agus meánscoileanna amach san fhómhar.

Fíbín chun tabhairt faoin 12ú camchuairt den dráma Ardteiste ‘An Triail’ i mí Deireadh Fómhair agus beidh sé lá leiriú i 6 ionad mórthimpeall na tíre le linn na camchuairte sin.  Tá éisteachtaí á reáchtáil ag Fíbín i nGaillimh ag deireadh na míosa agus muid sa tóir ar aisteoirí gairmiúla chun roinnt páirteanna a líonadh sa dráma.

Ionad: Amharclann Áras na nGael, 45 Sráid Dhoiminic, Gaillimh
Dáta: Dé hAoine 27 Iúil
Am: 10r.n-2i.n
Iarratas a dhéanamh: Seol CV agus grianghraf chuig fibinteo@gmail.com  roimh 20 Iúil agus tiocfaidh muid ar ais chugat le am do d’éisteacht.​

Gach eolas eile anseo

—————————————————————————————————————————————————————————————-

Fíbín chun ceardlann forbartha 3 lá d’aisteoirí a reáchtáil i gConamara i mí Lúnasa faoi stiúir Tim Crouch, aisteoir, stiúrthóir agus scríbhneoir iomráiteach as Brighton Shasana. ​

Tabharfaidh an cheardlann seo deis d’aisteoirí obair le Tim ar bhealaí praiticiúla agus teoiriciúla chun saothar a chumadh do dhaoine óga. Tá an cheardlann dírithe ar aisteoirí gairmiúla a mbeadh suim acu páirt a ghlacadh i léiriú nua den seó Jeramee, Hartleby agus Oooglemore a scríobh Gary Owen do ghasúir agus roghnófar cliar don seó tar éis na ceardlainne.

Beidh an seó don aoisghrúpa 4-8 mbliana ag dul ar camchuairt náisiúnta amach san fhómhar ag féilte mar Féile Ealaíona an Chlocháin, an Axis i mBaile Átha Cliath agus osclóidh an seó Féile Bualadh Bos do Leanaí i Luimneach i mí Deireadh Fómhair, chun roinnt a lua.

Seo a leanas sonraí na ceardlainne:

Dátaí: Dé Luain 13 – Dé Céadaoin 15 Lúnasa 2018
Ionad: Seanscoil Sailearna, Indreabhán, Co. na Gaillimhe
Iarratas a dhéanamh: Seol do CV agus grianghraf chuig fibinteo@gmail.com roimh 25 Iúil 2018

Gach eolas eile anseo

f m


Faigh an Nuacht is Déanaí ó nuachtlitir Fíbín