Nollaig Shona ó Fíbín

Slán le 2017 ach Haileo 2018!!

Tá bliain ghnóthach eile curtha againn dhínn anseo i Fíbín agus muid ag tnúth go mór leis an mbliain amach romhainn.

Chuir Fíbín tús leis an gclár lenár gcomhléiriú le hÁras Inis Gluaire ar an bhfinscéal ‘Clann Lir’ a seoladh le linn Sheachtain na Gaeilge agus a léiríodh ag féilte agus ag iliomad imeachtaí mórthimpeall na tíre i gcaitheamh na bliana.

Tháinig slua ollmhór amach ag an seó amuigh faoin aer ‘Pléasc’ i dtús an tsamhraidh mar chuid den togra comóradh pobail a reáchtáladh i gCois Fharraige chun comóradh a dhéanamh ar ‘mine’ a phléasc ar thrá sa cheantar 100 bliain ó shin agus léiríodh suim i gcéin agus i gcóngar sa scéal.

Thug Fíbín faoin 11ú camchuairt den dráma Ardteiste ‘An Triail’ san fhómhar agus dhíol muid amach i roinnt ionaid inár chuir muid seónna breise ar siúl agus bhí an lucht féachana is mó riamh againn don dráma.

 Ag breathnú chun cinn…..

Fíbín ar ais ar camchuairt náisiúnta i mí Aibreáin leis an dráma ‘Tóraíocht’. Leagan nua den scéal “Tóraíocht Dhiarmada agus Ghráinne”- curtha in oiriúint agus stiúrtha ag Mikel Murfi agus scríofa ag Philip Doherty. D’éirigh go hiontach leis na réamhléirithe den dráma i nGaillimh i mí na Samhna 2016 agus léireofar an dráma ar stáitse sa Town Hall Theatre i nGaillmh, san Everyman i gCorcaigh, sa Draíocht i mBaile Bhlainséir agus sa VISUAL i gCeatharlach san Aibreán. Tá ticéid ar fáil ó na hamharclanna uile agus nach ndéanfadh siad bronntanas deas Gaelach don Nollaig. Gach eolas anseo.

Beidh ‘An Triail’ ar ais ar camchuairt arís i mí Deireadh Fómhair seo chugainn. Gach eolas faoi ionaid agus dátaí anseo.  Cuir na dátaí sa dialann inniu agus fógrófar níos mó eolais sa bhliain nua.

Ba mhaith le Fíbín an deis seo a thógáil chun slán a fhágáil lenár léiritheoir Ruth Gordon, a chríochnaigh ag obair linn le gairid tar éis beagnach 5 bliana. Bhain muid an-taitneamh as a bheith ag obair le Ruth i gcaitheamh an ama seo agus aireoidh muid uainn go mór í ach guíonn muid gach rath uirthi don todhchaí.

Buíochas mór le gach duine a tháinig chuig ár seónna i mbliana! Buíochas speisialta do na maoinitheoirí, na haisteoirí, na stiúrthóirí, na dearthóirí, criú Fíbín, na hamharclanna, agus gach duine a bhí páirteach i Fíbín i 2017 – GO RAIBH MÍLE MAITH AGAIBH AR FAD!

f m


Faigh an Nuacht is Déanaí ó nuachtlitir Fíbín