‘Mac an Bheatha’ le Fíbín chun dul ar stáitse

Tá Fíbín ag cur an dráma Macbeth le William Shakespeare ar stáitse ag deireadh na míosa.  ‘Mac an Bheatha’ an t-ainm atá ar an leagan misniúil seo atá á stiúradh ag Philip Doherty.  Beidh sé seo ar an tríú dráma atá léirithe ag Fíbín ag an gceanncheathrú nua in Indreabhán ó d’oscail muid a ndoirse i mí Lúnasa na bliana seo.  Beidh an seó ar siúl chomh maith ar feadh cheithre oíche i Printworks na Gaillimhe, taobh le hoifigí an Connacht Tribune.

San insint seo ar scéal Shakespeare, tagann scata fíor-náisiúnaithe foréigneacha le chéile i gclub oíche faoi rún don scéal seo faoi dhúnmhárú, ciontacht agus díoltas a léiriú.   Seo hé Macbeth á shamhlú as an nua ag Fíbín mar ghig ina dtumtar an lucht féachana isteach i ndomhan uaillmhianach gan dlí, áit nach labhraítear ach Gaeilge amháin.
Le tairngreachtaí triúr cailleacha punc-miotail & griogadh a bhean chéile (Liz Fitzgibbon) fáisctear an drochfhuadar atá istigh san saighdiúr seo, Mac an Bheatha (Lochlann Ó Mearáin) chun ceannaire an rialtais nua a mharú chun an chumhacht a thógáil uaidh.

DÁTAÍ & IONAID
Dé Sathairn 23 Samhain & Dé Domhnaigh 24 Samhain – Halla an Tulaigh, Baile na hAbhann, Co. na Gaillimhe
Ticéid le cur in áirithe ar Eventbrite anseo 

Dé Céadaoin 27 Samhain – Dé Sathairn 30 Samhain –  Printworks, 15 Sráid an Mhargaidh, Cathair na Gaillimhe.
Ticéid le cur in áirithe ar Eventbrite anseo

Má chaill sibh amach ar an dráma deiridh le Fíbín ‘House Party’, féach blaiseadh dó anseo

f m


Faigh an Nuacht is Déanaí ó nuachtlitir Fíbín