An Triail 2019

An Triail 2019

Cur síos

Léiríonn Fíbín ‘An Triail’ le Máiréad Ní Ghráda, an dráma clasaiceach Nua-Ghaeilge. Seo leagan ar leith de ‘An Triail’ i stíl Fíbín! Téann Fíbín i ngleic le ceisteanna a ardaíonn múinteoirí agus scoláirí araon, trí phlota a bhreathnaíonn as dáta a thabhairt isteach i gcomhthéacs sochaí nua-aimseartha ag baint úsáid as puipéid, maisc, radhairc tharraingteacha agus léirithe daonna chun lucht féachana óg, ach go háirithe a mhealladh ar bhealach a thagann le saol na linne seo agus gur féidir teacht ar seó go héasca. Téann an léiriú seo i bhfad lasmuigh den nádúr dubh agus bán atá sa chaint agus cuidíonn an seó na constaicí san fhoghlaim a shárú le seó fuinniúil, mealltach agus greannmhar.

Ticéid: €14.00* – Rachaidh múinteoirí in aisce! Thug sibh faoi deara gur tháinig ardú ar phraghas na dticéad i mbliana agus seo ráiteas thíos ó Fíbín faoi seo:

“Tá Fíbín ag léiriú drámaí den chaighdeán is airde le 16 bliain anuas.

I dteannta an chaighdeáin ard seo, tá iarracht mhór déanta againn praghas ticéid a choinneáil chomh híseal agus is féidir dár lucht féachana, agus mar thoradh ar seo tá branda ‘Fíbín’ aitheanta mar cheannródaithe i nDrámaíocht na Gaeilge.

Tar éis athbhreithniú inmheánach a dhéanamh ar ár struchtúr costais agus ceadú ag leibhéal an bhoird, tá an cinneadh déanta praghas ticéid a ardú €1.50 go €14.00 an duine do léirithe as seo amach.

Tá súil againn go dtuigeann sibh gurbh é seo an chéad uair le cúig bliana ar ardaigh muid praghas ticéid agus é riachtanach mar gheall ar arduithe i gcostais chamchuairte, riaracháin agus barrchostais.

Ar féidir linn an deis seo a thógáil chun buíochas a ghabháil leat as ucht do thacaíocht le blianta beaga anuas agus tá muid ag súil go mór le sibh a fheiceáil an bhliain seo”

*D’fhéadfadh táille áirithinte a bheith i gceist

Amanna: 10.30r.n & 12.30i.n i ngach ionad seachas an trí seó i Firkin Crane, Corcaigh ar an Luan 7 Deireadh Fómhair ag 10r.n, 12i.n agus 2i.n agus san Taibhdhearc i nGaillimh ar an Déardaoin 10 Deireadh Fómhair ag 10r.n, 12i.n agus 2i.n chun freastal ar scoileanna.

Fad an seó: 1 uair gan stad

Dátaí 2019

  • Belltable, Luimneach: 30ú Meán Fómhair & 1ú Deireadh Fómhair Guth: (061) 953 400
  • Visual Carlow, Ceatharlach: 3ú & 4ú Deireadh Fómhair Guth: (059) 917 2400
  • Firkin Crane, Corcaigh: 7ú & 8ú Deireadh Fómhair Guth: (021) 450 7487
  • An Taibhdhearc, Gaillimh: 10ú & 11ú Deireadh Fómhair Guth: (091) 562 024
  • Axis Baile Munna, Baile Átha Cliath: 14ú -18ú Deireadh Fómhair & 21ú-25ú Deireadh Fómhair Guth: (01) 883 2100

Rachaidh ticéid ar díol go luath i mí Meán Fómhair

Le  tacaíocht ó 
Faigh an Nuacht is Déanaí ó nuachtlitir Fíbín